नागपूर :
स्टॅटिस्टा आणि संयुक्त राष्ट्रांच्या रिपोर्टनुसार, 2025 मध्ये भारताची लोकसंख्या 1.46 अब्ज ओलांडेल आणि चीनला मागे टाकेल असा अंदाज आहे. मात्र, भारतासारख्या मोठ्या देशात फक्त 10 राज्यांमध्ये अब्जाधीश राहतात, ही आश्चर्यकारक माहिती समोर आली आहे.
हुरुन इंडियाची 2025 यादी दर्शवते की, देशात एकूण 1,687 लोकांची संपत्ती 1 हजार कोटींपेक्षा अधिक आहे, त्यापैकी 358 लोक अब्जाधीश आहेत. हे अब्जाधीश सरासरी 8,500 कोटी रुपये संपत्तीचे मालक आहेत.
संपत्तीचे केंद्र
- भारतातील 90% संपत्ती फक्त 10 राज्यांमध्ये केंद्रित आहे.
- आघाडीच्या राज्यांमध्ये महाराष्ट्र, दिल्ली, कर्नाटक, तामिळनाडू, गुजरात, तेलंगणा, उत्तर प्रदेश, पश्चिम बंगाल, हरियाणा, राजस्थान यांचा समावेश आहे.
- महाराष्ट्रात 548 अब्जाधीश आहेत, तर दिल्लीमध्ये 223 अब्जाधीश नोंदले गेले आहेत.
आर्थिक संधींची असमानता
संपत्ती वाढण्यामागे मुख्य कारण म्हणजे संधींची असमानता.
- मुंबई, बेंगळुरू, चेन्नई, हैदराबादसारख्या शहरांमध्ये उद्योग, स्टार्टअप आणि गुंतवणूक सहज मिळते.
- पटना, इंदूर सारख्या शहरांमध्ये समान संधी मिळणे आव्हानात्मक आहे.
रिपोर्टमधून स्पष्ट होत आहे की, संपत्ती वाढत असली तरी ती देशभर समान पद्धतीने वितरित होत नाही. अनेक राज्य अजूनही पायाभूत सुविधा, शिक्षण आणि रोजगाराच्या संधींमध्ये मागे आहेत, ज्यामुळे संपत्तीमध्ये असमानता दिसून येते.
