मध्य प्रदेश : दरवर्षी लाखो उमेदवार MPSC, UPSC आणि इतर स्पर्धात्मक परीक्षांना बसतात, परंतु सर्वांनाच या परीक्षा उत्तीर्ण होत नाही. त्याचबरोबर कठोर परिश्रम आणि चिकाटीने परीक्षेत यश मिळवणे कठीण नाही. आज आपण अशाच एका महिला डीएसपीची यशोगाथा जाणून घेणार आहोत, जिने तिच्या गरोदरपणात ही परीक्षा उत्तीर्ण करून अनेकांसाठी आदर्श निर्माण केला आहे.
मध्य प्रदेश लोकसेवा आयोग (MPPSC) २०२४ चा निकाल १२ सप्टेंबर रोजी जाहीर झाला, ज्यामध्ये मैहर येथील रहिवासी वर्षा पटेल हिने पोलिस उपअधीक्षक (DSP) पद मिळवले. वर्षाचा हा प्रवास तिचे यशच नाही, तर संघर्ष, संयम आणि कुटुंबाचे महत्त्व देखील दर्शवतो.
बालपणापासून संघर्ष
वर्षा पटेलचे लहानपण कठीण परिस्थितीत गेले. अधिकारी होण्याचे स्वप्न असूनही आर्थिक परिस्थिती चांगली नव्हती. २०१५ मध्ये वडिलांचे निधन झाल्यानंतर कुटुंबाला दमोह सोडून मैहरला स्थलांतर करावे लागले. परिस्थिती प्रतिकूल होती, तरी वर्षा यांनी अभ्यास सुरू ठेवला आणि ध्येयाकडे वाटचाल करत राहिली.
लग्नानंतर तयारी
२०१७ मध्ये वर्षा यांचा विवाह संजय पटेल यांच्याशी झाला, जे व्यवस्थापकीय नोकरीत होते. संजय यांनी पत्नीला चांगली तयारी करता यावी म्हणून त्यांची पूर्ण पाठबळ दिले आणि तिला इंदूरमध्ये पाठवले. वर्षा दरवर्षी परीक्षेला बसत असत; परंतु प्रत्येक वेळी अपयशाचे अनुभव आले.
२०२४ ची परीक्षा तिच्यासाठी विशेष होती, कारण त्या काळात ती गर्भवती होती. २२ जुलै २०२५ रोजी तिने नवजात मुलगी श्रीजा ला जन्म दिला. मुलाखतीची तारीख १८ ऑगस्ट होती, म्हणजे फक्त २६ दिवसांनी. जखमा अद्याप पूर्ण बऱ्या झालेल्या नव्हत्या. तरीही वर्षा आपल्या नवजात बाळाला घेऊन मुलाखतीस हजर झाली आणि उत्कृष्ट कामगिरी केली.
यश आणि मान्यता
१२ सप्टेंबर २०२५ रोजी निकाल जाहीर झाला तेव्हा वर्षा पटेल DSP पदावर यश मिळवणारी ठरली. विशेष म्हणजे महिला वर्गात तिला पहिले स्थान मिळाले. तिच्या कठोर परिश्रम, चिकाटी आणि कुटुंबाच्या पाठिंब्यामुळे आज लोक तिला ‘सुपर मॉम’ म्हणून ओळखतात.
प्रेरणादायी गोष्टी
वर्षा पटेलची कथा फक्त एक यशोगाथा नाही, तर मातांसाठी प्रेरणास्त्रोत आहे. नवजात बाळ घेऊन देखील ध्येयाप्रति समर्पित राहणे आणि कठीण परिस्थितीत चिकाटी दाखवणे, हे तिच्या कर्तृत्वाचे महत्त्व अधोरेखित करते. तिच्या कथेने अनेक महिला आणि युवांना प्रोत्साहन मिळाले आहे की, परिस्थिती कितीही कठीण असली तरी प्रयत्न आणि ध्येयाप्रती समर्पण यशाची गुरुकिल्ली आहे.
वर्षा पटेलच्या या संघर्षकथेने दाखवले की, कुटुंबाचे सहकार्य, चिकाटी, ध्येयप्राप्तीसाठी सातत्य, आणि स्वतःवर विश्वास ठेवल्यास कोणतीही अडचण मात करता येऊ शकते. आज वर्षा DSP पदावर काम करत असून, अनेकांसाठी आदर्श बनली आहे.